ب درێژاهیا هەشت رۆژان، رێکخراوا نوژین ژبو دیموکراسیکرنا خێزانێ (NFDO)، ب هەڤکاری دگەل توتاپۆنا، زنجیرەکا دانیشتنێن هۆشیارکرنا دەروونی-جڤاکی ل کەمپا پەنابەران یا دومیز-1 بۆ 17 کچێن گەنج یێن پەنابەرێن سووری یێن تەمەنێ وان د ناڤبەرا 13 بۆ 18 سالان دا ئەنجامدان، کو سەرنج ل سەر ساخلەمیا دەروونی، رێڤەبرنا دلەراوکێ و پێشڤەچوونا کەسایەتی هاتبوو دان.
ب رێیا ڤان دانیشتنان، بەشداربوویان رێکێن کرداری دیتن ژبو مامەلەکرنێ دگەل فشارا دەروونی، زالبوونێ ل سەر ئاستەنگان، پاراستنا ساخلەمیا خۆ یا دەروونی، و ئاڤاکرنا باوەری ب خۆبوون و خۆراگریێ. دانیشتنان هاندانا وان کر کو خالێن ب هێز یێن خۆ نیاس بکەن، کەسایەتیەکا ب هێز پێش بێخن، و شیانێن خۆ وەک ژنێن سەرکەفتی و سەرکردەیێن پاشەرۆژێ هەمێز بکەن.
ئەم باوەر دکەین کو هەر ژنەک هێژایی زانین، باوەری ب خۆبوون و پشتەڤانیێ یە دا کو بشێت ل بەرامبەر ئاستەنگێن ژیانێ راوەستیت، ساخلەمیا خۆ یا دەروونی بپارێزیت، و پاشەرۆژەکا گەشتر بۆ خۆ و جڤاکێ خۆ ئاڤا بکەت. پێکڤە، ئەم بەردەوام دبین د ب هێزکرنا ژنان، خورتکرنا خۆراگریێ، و پەروەردەکرنا سەرکردەیێن سوبەهی دا.
